Credit and Debit Card Hackers Se Kaise Bachaye

Credit and Debit Card Hack Hone Se Kaise Bachaye

Aap sabhi ko pata hoga aajkal ke hackers pehle ke mukable jyada smart ho gaye hai. Daily aapko newspaper, magazine, television mein bank se paise chori hone ki khabar mil jayegi lekin aisa kyu hota hai ? Iske liye kaun jimmedaar hai ?

Hum hackers se kaise bacha sakte hai ? Aur bhi bahut se questions aap sabhi ke dimag mein aa rahe honge jinka answer aapko aage post padhne ke baad mil jayenge.

Hacking ek crime hai lekin fir bhi hackers ise daily karte hai. So friends chaliye jante hai apne credit/debit card ko hackers se kaise bachaya ja sakta hai

Recently abhi ek news sunne mein aaya tha ki pure deshbhar mein 32 lakh se jyada debit cards ke details aur pin chori ho gaye hai ab aap soch sakte ho humare card details bilkul bhi safe nahi hai aise mein hame kuch savdhniya apnani hogi jisse hackers humara kuch bigaad na sake.

Aaj main aapko kuch aise tips batane wala hu jinhe follow karne par chahe kitna bada hacker kyu na ho woh aapke card details nahi chura sakta.

Aapko kya lagta hai card details chori hone mein kiski galti hai, Aapki ya bank ki ? So main aapko bata du isme bank ki galti se jyada aapki galti hoti hai jo aapne kabhi anjane me ki ho.

Bank humesha apne coustmer ko satisfy karne ki koshish karti hai taki unke sath aur bhi coustmer jud sake. Bank kabhi bhi kisi ke card details leak nahi karta aur aapke details ko full security ke sath store karke rakhta hai.

So bank ne toh apna kaam kar diya lekin kya aapne apna kaam kiya ? Nahi na, agar aap bhi apne kaam thik se kare toh aapke card details kabhi bhi hackers tak nahi pahuch sakte hai

Credit/Debit Card Hackers Se Kaise Bachaye :-

Never Use Public Wifi :-

Aapko pata hi hoga aajkal airport, railway station jaise public place par free wifi ki suvidha mil rahi hai aur iska use koi bhi kar sakta hai. Hum sabhi free wifi use karne ke chakkar mein yeh bhul jate hai ki hum hackers ko bulawa de rahe hai, Nahi samjhe ?

So mere kehne ka matlab yeh hai ki public wifi jyada secure nahi hote unhe aasani se hack kiya ja sakta hai aur aapke card details bhi churaye ja sakte hai. Public wifi use karte time kabhi bhi online transaction ya apni bank account check na kare warna iska anjaam bahut bura hoga. Agar aapko online transaction ya bank account se related kuch karna ho toh apne mobile ka data connection on karke check kare isse aap secure rahoge.

Don’t Use Same Password :-

Bahut se logo ki aadat hoti hai ki woh apne sabhi accounts ka password same rakhte hai taki bhul na jaye. Agar main sach batau toh aisa logo ko hackers se jyada khatra hota hai aur unke details aasani se churaye ja sakte hai. Aap apne phone mein password manager install kare isme aap sabhi password store kar sakte ho bas aapko ek master password yaad rakhna padega jisse ki aapke alawa aur koi aapke password manager ko open na kar sake.

Hide ATM Keypad :-

Aajkal hidden camera ka use badh raha hai jo ki size mein kafi chhota hota hai jis wajah se humara dhyan iski taraf nahi pahuch pata. Jab aap ATM pin enter kare tab keypad hide karle kyuki hidden camera ise record kar sakta hai aur baad mein hackers pin janane ke baad aapki basic details bhi pata kar lenge. So humesha ek aadat banaye ki pin enter karte time keypad puri tarah se cover ho.

Never Give Details On Call :-

Bahut baar kuch fraud peoples khudko bank staff, bank manager, insurance comapny ke taraf se bata ke aapse jankari hasil karne ki koshish karte hai. Main aapke jankari ke liye bata du ki kabhi bhi bank, insurance ya aur koi company phone karke details nahi puchti aise calls agar aapko aate hai toh use cut karde kyuki woh fake calls hote hai

Never Use Unsecured Sites :-

Unsecured sites se mera matlab un sites se hai jo safe nahi hai aur jinhe aasani se hack kiya ja sakta hai. Unsecured sites ki ek pehchan hoti hai ki inke address bar mein http hota hai jabki https hona chahiye. Jis site par aap online payment kar rahe ho uss site ka address dekh le agar http se start hota hai toh aapka payment karna bilkul bhi safe nahi hai. Aap jitne bhi popular online payment/online shopping site ko dekho toh unke domain ke aage https hota hai jaise ki amazon, flipkart, paytm, mobikwik, snapdeal etc.

Don’t Forget Skimmers :-

Asli keypad ke upar nakli keypad chadhakar ya slot card ki magnetic strip read karne wala skimmer lagakar bhi pin churaya ja sakta hai. Skimmer aapki details card swipe karne par chura leta hai. Skimmer se bachne ke liye puri machine ko acche se check kare agar card reader ka color machine se alag hai ya woh thik se nahi fit ho raha toh uss machine ka use na kare.

Machine humesha fix hoti hai usme koi chij nahi hilti agar card reader dhila-dhala lag raha hai toh iska matlab uske sath chedchaad ki gayi hai aur woh unsafe hai. Machine ka keypad bhi check kare agar woh common keypad sa jyada mota, alag colour ya tedha medha nazar aata hai toh usme pin number enter na kare kyuki asli keypad par nakli keypad chadhya ja sakta hai

Use Virtual Cards Online :-

Virtual card ek tarah ka card hota hai jo aapke liye credit/debit card ka kaam karta hai. Virtual cards aajkal bahut se online payment sites ne launch kiye hai jaise ki freecharge, oxigen wallet, icici pockets etc.

Virtual card ke liye aapko in sites par jakar inhe generate karna hoga aur yeh safe & free hai. Virtual card use karne se aapke real card details koi nahi pata laga sakta.

So dosto yeh post sabhi logo ke liye jaruri hai kyuki iss post ko agar hum acche se follow kare toh hum online card fraud se bach sakte hai. Iss post ko maine aajkal ke youngsters ko dhyan mein rakhkar likha hai kyuki youngsters bahut jaldi fraud ke shikar ho jate hai. Agar aap sabhi ko humara yeh post pasand aaya ho toh please ise share jarur kare.

So friends yah article hame send kiya hai Ankit Jha Ji ne and unki website https://www.hindiyaar.in/ par bhi aapko is tarah ke kafi helpful articles padhne ko mil jayenge and is article ke liye Ankit Ji ko Many Many Thanks…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

One Comment

Close